Lajçak reagon për takimin me Kurtin dhe përsërit 3 kërkesat: Thellësisht të shqetësuar për situatën në veri

Përfaqësuesi i Bashkimit Evropian, Miroslav Lajçak sërish sot ka përmendur 3 kërkesat për qeverinë Kurti lidhur me situatën e tensionuar në veri.

Lajçak në një postim në Twitter shkruan se janë thellësisht të shqetësuar për situatën në veri, dhe ka bërë thirrje për zgjedhje të parakohshme në komunat në veri dhe pjesëmarrje të serbëve.

“I dërguari amerikan, Escobar dhe unë u takuam me kryeministrin Albin Kurti dhe zëvendëskryeministrin Besnik Bislimi. Jemi thellësisht të shqetësuar për situatën në veri dhe bëjmë thirrje për shtensionim të menjëhershëm në terren, zgjedhje të parakohshme me pjesëmarrjen e serbëve të Kosovës dhe kthim në dialogun për normalizim”, shkruan Lajçak.