Emisari i Bashkimit Evropian, Miroslav Lajçak, pas takimit me kryenegociatorin e Kosovës për dialog, Besnik Bislimi, ka thënë se Ura e Ibrit duhet të hapet, mirëpo në momentin e duhur dhe në koordinim me aleatët ndërkombëtar.
Ai këto komente i bëri pas takimit në Qeveri të Kosovës me zëvendëskryeministrin Bislimi.
“Biseduam se sa progres është arritur nga takimet e fundit. Diskutuam çështjen e Urës së Ibrit dhe hapjen e saj për transport. Qëndrimi i BE-ës është i mirënjohur, duhet të hapet, por hapja duhet të bëhet në bashkëpunim të ngushtë me partnerët ndërkombëtarë të Kosovës”, ka thënë Lajçak.
Lajçak ka thënë se gjatë takimit me zëvendëskryeministrin e Kosovës, Besnik Bislimi, janë pajtuar për takimin e radhës në kuadër të kryenegociatorëve në Bruksel, por nuk ka dhënë detaje të tjera.
Në një prononcim për media pas takimit, Lajçaku ka thënë se data e takimit nuk mund të thuhet pa u koordinuar me të tjerët.
Discussion about this post