Një lajm goxha i bujshëm është duke qarkulluar në mediat italiane, në qendër të vëmendjes të së cilave është shqiptari Igli Tare.
Sipas ‘Calciomercato’ drejtori sportiv i Lazios vlerësohet maksimalisht nga Presidenti i Juventus, Andrea Angelli.
Kohët e fundit ai ka ndryshuar strukturën menaxhuese të kësaj pjese të klubit pas largimit të Paraticit.
Ndërsa rikujtojmë se pëlqimi që ai ka për Taren është shumë i shpejtë. Me afrimet e bëra në vitet e fundit te klubi i Lazios, Igli Tare ka vërtetuar më së miri se di t’i dallojë fare mirë talentet dhe di të bëjë afrime cilësore, por me çmime shumë të arsyeshme.
Rikujtojmë se shqiptari është pjesë e Lazios që nga viti 2009, ndërsa kontrata aktuale e tij përfundon më 30 qershor të 2023-shit. Aktualisht shihet se Juventus është i gatshëm për të joshur Taren, por dihet se Lotito nuk heq dorë lehtë nga “thesaret” e tij dhe për Taren, si dhe lojtarët e tij, ai me siguri nuk do të bëjë përjashtim./K.T/Gijotina.com
