Shkarkimi i Bernard Challandes nga posti i trajnerit të Kosovës u pasuar me emërimin e përkohshëm të Primozh Gliha i cili qëndroi në pankinë për sfidat me Greqinë dhe Jordaninë. Emra si Xhani De Biasi apo Magat kanë dalë në skenë për të marrë drejtimin e përfaqësueses së Kosovës teksa së fundmi në listë është shtuar edhe legjenda e futbollit holandez. Bëhet fjalë për Marko Van Baste, një emër i madh i futbollit Botëror. Do të ishte një lajm i madh për Kosovën që të drejtohej nga një emër i tillë.
Van Basten ka spikatur më shumë si futbollist se sa në rolin e trajningut. Ai ka drejtuar Holandën shumë vite më parë duke u larguar më pas mes polemikave. Van Basten ka ushtruar detyrën e trajnerit edhe në disa skuadra në kampionatin holandez përpara se të emërohej më pas në një post të rëndësishëm në FIFA. Në ditët në vijim pritet të qartësohet kjo situatë.
Discussion about this post