Aleksandër apo Leksi Vulaj nga Mali i Zi i arrestuar në aksin Tamarë-Hani i Hotit, pasi ishte shpallur në kërkim nga drejtësia amerikane, për trafikim të lëndëve narkotike dhe pastrim të produkteve të veprës penale, del sot para gjykatës për masën e sigurisë.
Për të prokuria kërkon arrest me burg derisa të shqyrtohet edhe kërkesa për ekstradimin e tij drejt SHBA.
Vulaj nga Tuzi drejtonte shpërndarjen e drogës në Michigan. Dyshohte se mes të tjerash malazezi Vulaj organizoi dërgesën dhe dorëzimin e 10 kilogramëve kokainë në këtë distrikt që u zbulua nga agjentet e Deas, që sakaq po e përgjonin kur konfirmonte dërgesat në një rast edhe të lëndës opioid .
Ndonëse kishte një vendim gjyqësor nga drejtësia amerikane, ai qëndronte në Mal të Zi dhe lëvizte krejt lirshëm për të hyrë në Shqipëri. Nisur nga ky informacion i marrë nga Zyra e DEA-s në Athinë, se një i përfshirë në veprimtari kriminale në fushën e narkotikëve mund të hynte në territorin shqiptar, organizoi punën për lokalizimin e vendndodhjes dhe arrestimin e tij. Neutralizimi i tij u bë pas një pune hetimore që zgjati më shumë se një muaj.
Operacioni u zhvilluar nga Drejtoria e Forcës së Posaçme Operacionale, Drejtoria Hetimore në Departamentin e Policisë Kriminale, zyra e Interpolit në Policinë e Shtetit, Njësia Hetimore “Jointshield” që funksionon në bashkëpunim DSS dhe OSI në Ambasadën Amerikane dhe me zyrën e DEA-s Athinë.
