Dy persona kanë humbur jetën tragjikisht në Tiranë ditën e sotme. Policia bën me dije se një 81-vjeçare është rrëzuar nga shkallët e pallatit ku banonte në rrugën “Ali Demi” dhe për pasojë ka ndërruar jetë.
Gjithashtu uniformat blu bëjnë me dije se ka humbur jetën edhe një 28-vjeçar, pasi dyshohet se ka rënë aksidentalisht nga lartësia e hotelit ku po qëndronte në bulevardin “Dëshmorët e Kombit”.
Sakaq kujtojmë se një rast i ngjashëm është raportuar disa ditë më parë në Linzë. ku një person është vetëvrarë. Sipas njoftimit të policisë me inicialet L.T., 59 vjeç ka qëlluar veten me armë zjarri pistolete.
“Më datë 03.09.2021, rreth orës 20:55, në Linzë, dyshohet se është vetëvrarë me armë zjarri pistoletë shtetasi L. T., 59 vjeç.
Grupi hetimor ndodhet në vendngjarje dhe po punon për sqarimin e rrethanave të ngjarjes.”
