Një e re është vetëhedhur nga shkëmbi te kisha e Laçit këtë të Shtunë.
Vajza 29-vjeçe ka marrë dëmtime dhe është transportuar në spital.
“Shtetasja Xh. M. 29 vjeçe, banuese në Elbasan, ka shkuar tek oborri i Kishës së ‘Shna Ndout’ në Laç, dhe dyshohet se është vetëhedhur nga një shkëmb duke rënë rreth 10m poshtë. Për pasojë, 29 vjeçarja ka marrë dëmtime fizike dhe ndodhet në Spitalin e Traumës në Tiranë, për trajtimin e nevojshëm mjekësor”, njoftoi policia lokale.
Nga veprimet hetimore paraprake të kryera, rezulton se kjo shtetase vuan prej disa kohësh nga depresioni dhe merr trajtim mjekësor, shtuan të njëjtat burime.
Discussion about this post