Gjykata ka dhënë masën e sigurisë “arrest me burg” për tre të arrestuarit nga operacioni i koduar “Mision” i zhvilluar dy ditë më parë. Bëhet fjalë për Aldi Mustafa, 35 vjeç, Uran Zyka, 40 vjeç si dhe Tahir Gjinika, 33 vjeç të cilët ishin porositur të kryenin vrasje, janë paraqitur në sallën e gjyqit për t’u njohur me masën e sigurisë. Seanca drejtohej nga gkyaktësi Petraq Çuri prokurorja Enkeleda Xhengo.
Theksojnë se këta të fundit u arrestuan gjatë një operacioni të policisë. Kujtojmë se të arrestuarit të cilët konsiderohen me rrezikshmëri të lartë shoqërore në momentin kur janë ndaluar nga policia ata kanë qenë duke udhëtuar me një automjet tip “BMW” që drejtohej nga Mustafa. Ata kanë tentuar të largohen duke goditur makinën e policisë por janë bllokuar nga shërbimet e tjera të uniformave blu.
Në makinë u gjetën 3 pistoleta me fishekë në fole, 1 mitraloz me fishekë në fole dhe gati për qitje, municion luftarak, 2 laptopë, 9 telefona celularë dhe 1600 euro, të cilat u sekuestruan në cilësinë e provës materiale së bashku me automjetin.
