Ministrja e Energjetikës, Belinda Ballkuku ka lajmëruar se me vendimin e Këshillit të Ministrave këtë të mërkurë, janë liruar nga detyra dy zv.ministra Ardi Veliu dhe Dallëndyshe Bici.
“Janë marrë 2 vendime: Lirimi nga detyra i zv.ministrit të Infrastrukturës dhe Energjisë detyrës i Ardi Veliu dhe i zv.ministres së mbrojtjes Dallëndyshe Bicit. Për ta do të ketë detyra të rëndësishme në ditët në vijim”, tha Balluku.
Kujtojmë se Ardi Veliu pas shkarkimit nga posti i Drejtorit të Përgjithshëm të Policisë, u emërua si zv.ministër i Infrastrukturës, ndërkohë që ditën e sotme është liruar nga ky funksion.
Ndërsa, Dallëndyshe Bici, ish Drejtoresha e IKMT-së, pasi u bë pjesë e listës së Partisë Socialiste dhe nuk arriti të sigurojë një mandat në Parlament, iu caktua posti i zv.ministres së Mbrojtjes. Ditët e fundit ajo ishte “imazhi” i Ministrisë së Mbrojtjes për përballjen me situatën e zjarreve në vend.
Discussion about this post