Uniformat blu kanë zbarkuar në Fier, duke goditur një tjetër rast të tentativës për kultivim të drogës, ku në pranga ka rënë një person dhe janë shpallur në kërkim dy të tjerë.
Bëhet fjalë konkretisht për personat e identifikuar me iniciale B. G., 69 vjeç i cili është arrestuar dhe janë shpallur në kërkim E. G., 32 vjeç dhe F. G., 32 vjeç, të tre banues në fshatin Cakran, pasi në bashkëpunim me njeri tjetrin, në oborrin e banesës së B. G., kishin kultivuar fidanë të dyshuar cannabis sativa.
Pritet që tre personat të përballen me akuzën për veprën penale “Kultivimi i bimëve narkotike”, e kryer në bashkëpunim.
