Qëllohet me breshëri automatiku në një mobileri në Krujë

Të shtëna me armë zjarri kanë tronditur sot qytetin e Krujës. Burime bëjnë me dije se një mobileri në Nikël është qëlluar me breshëri plumbash.

Ngjarja mësohet të ketë ndodhur gjatë natës dhe denoncimi është bërë nga vetë pronari i biznesit.

Nuk raportohet që të ketë persona të plagosur duke qenë se në momentin që ka ndodhur ngjarja, mobileria ka qenë e mbyllur. Dëmet materiale të shkaktuara si pasojë e breshërisë së plumbave janë të shumta.

Pritet që grupet hetimore të sekuestrojnë kamerat e sigurisë për të zbardhur ngjarjen dhe identifikuar e më pas arrestuar personat që kanë qëlluar me breshëri automatiku drejt subjektit.

Pronari i mobilerisë në Nikël të Krujës ka qenë ai që ka kryer denoncimin në polici për sulmin që i ndodhi biznesit të tij në orët e vona të mbrëmjes. Ai është shprehur se nuk ka konflikt me asnjeri si dhe kërkon që të zbardhet sa më shpejt ngjarja.