Kryeministri Edi Rama ka bërë disa ndryshime në kabinetin e tij qeveritar. Ai ka firmosur ditën e sotme emërimin e ri në dikasterin e Arsimit dhe Sportit dhe ai do të jetë Endrit Hoxha. Sipas VKM-së të publikuar në faqen zyrtare të Kryeministrisë, ky ndryshim hyn menjëherë në fuqi dhe nga sot Hoxha merr postin e ri. Aktualisht këtë detyrë e mbajnë edhe Kostandin Shkurti, Nina Guga dhe Albana Tole.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi; Endrit Hoxha emërohet zëvendësministër i Arsimit dhe Sportit. Ky vendim hyn në fuqi menjëherë”, thuhet në vendim. Sakaq, flitet se në vijim do të ketë edhe ndryshime të tjera në qeveri, por ende nuk është dhënë asnjë detaj.
Discussion about this post