Një avion i vogël është rrëzuar mëngjesim e sotëm në livadhet e Vermoshit.
Burimet e Gijotina.com mësojnë se në tokë ka copa të shkëputura nga avioni që tregon se ka pasur përplasje në momentin që uljes.
Të njëjtat burimet bëjnë me dije se nuk ka viktima apo të lënduar , ndërsa mësohet se shkak i këtij rrëzimi ka qenë një defekt teknik i cili ka detyruar të bëj uljen e detyruar të këtij avioni.
Dy persona, piloti dhe pasagjeri që ndodheshin brenda avionit privat që u rrëzua në Vermosh janë larguar nga vendi i ngjarjes.
Mësohet se avioni ka tentuar që të ngrihej, por ka pësuar një avari, piloti së bashku me pasagjerin kanë tentuar sërish që të ngrihen pas rreth 30 minutash pushim, por më pas avioni ka pësuar një defekt dhe është përplasur me një shtyllë pishe. Pas aksidentit që kanë pësuar, dy personat kanë njoftuar një të tretë që ka ardhur t’i marrë me makinë.
Ata kanë hipur në mjet dhe janë larguar nga Vermoshi, duke mos lënë pas asnjë gjurmë që mund të ndihmojë në identifikimin e tyre. Edhe vetë avioni që ka mbetur në livash nuk ka asnjë shenjë identifikuese.
Kjo skenë rikthen në vëmendje rastet e avionëve të rënë në Durrës dhe Lushnje, ku u zbulua se po përdoreshin për trafik kanabisi. Bëhet fjalë për ngjarjen e ndodhur në vitin 2014, kur një avion i tipit “Piper” i drejtuar nga piloti italian, i cili u ul në plazhin e Divjakës, në Lushnje, për të marrë një sasi prej rreth 300 kg kanabis sativa.
Akoma nuk ka një reagim zyrtar nga ana e policisë së Shkodrës, por burimet zyrtare pranë bluve të Shkodrës bëjnë me dije se janë nisur drejt vendit të ngjarjes.
