Shkarkohet nga detyra drejtori i Përgjithshëm i Policisë, Gledis Nano, pas thuajse një viti në krye të Policisë së Shtetit. Vendimi është marrë në mbledhjen e kësaj të mërkure të Këshillit të Ministrave.
Lajmi u bë me dije nga ministri i Brendshëm Bledi Çuçi, i cili tha se ky vendin erdhi pas mospërmbushjes së objektivave nga ana e Nanos, në një moment ku krimi i organizuar po bën kërdinë në vend.
Deri në emërimin e drejtorit të ri të Policisë, ministri i Brendshëm tha se detyrat do t’i ushtrojë nëndrejtori i Përgjithshëm i Policisë, Tonin Vocaj.
“Tonin Vocaj përkohësisht do të ushtrojë detyrën e drejtorit të Policisë së Shtetit duke zëvendësuar provizorisht Gledis Nanon”, tha ministri i Brendshëm, Bledi Çuçi.
Discussion about this post