Një shpërthim ka ndodhur mëngjesin e kësaj të premte në Malësinë e Shkodrës. Ngjarja ka ndodhur në Razëm, në afërsi të një lokali, në vendin ku ishte vendosur reklama e biznesit. Nga shpërthimi, nuk raportohet për persona të lënduar.
Një hetim ka nisur për zgjedhjen e ngjarjes, ndërsa dyshimet paraprake, nisur edhe nga vendi i zgjedhur për vendosjen e lëndës plasëse nga autorët, janë konfliktet e mundshme në fushën e biznesit mes konkurrentëve. Megjithatë, nuk përjashtohen as pista të tjera.
“Rreth orës 08:50, në fshatin Razëm, dyshohet se është hedhur lëndë plasëse tek reklama, në afërsi të lokalit të shtetasit F.S. Si pasojë e shpërthimit të saj janë shkaktuar vetëm dëme materiale. Grupi hetimor po kryen veprimet në vendngjarje, për sigurimin e provave, me qëllim identifikimin dhe kapjen e autorit/ve”, thuhet në njoftimin paraprak të policisë lidhur me rastin.
Lexo edhe:
Shpërthimi në Shkodër, hoteli në pronësi të kreut të PD-së. Dëshmia: S’ka lidhje me mua
Discussion about this post