Një ngjarje e rëndë ka ndodhur në kryeqytet, ku një person ka humbur jetën pasi është goditur me thikë. Policia bën me dije se ngjarja ka ndodhur rreth orës 11:15, në afërsi të “Harry Fultz” në kryeqytet.
Sipas “uniformave blu”, Olger Dhimitri 37 vjeç, ka goditur me mjete prerëse Ilir Kapo, 60 vjeç për arsye ende të paqarta. Ky i fundit, si pasojë e plagëve të marra ka ndërruar jetë, ndërsa autori është arrestuar.
“Më datë 07.05.2022, rreth orës 11:15, në afërsi të “Harry Fultz”, shtetasi O. Dh., 37 vjeç, ka goditur me mjete prerëse shtetasin I. K., 60, i cili si pasojë e plagëve të marra ka ndërruar jetë. Autori i dyshuar është shoqëruar në komisariat për veprime të mëtejshme. Grupi hetimor po punon për sqarimin e rrethanave të ngjarjes”, njofton policia.
Discussion about this post