Një lajm i keq ka ardhur sot për Kosovën në lidhje me liberalizmin e vizave nga BE. Përmes një artikulli të publikuar pak më parë, GazetaExpres ka treguar se burimet diplomatike të saj kanë bërë me dije se, regjimi i vizave për Kosovën do të mbetet në fuqi edhe për pjesën e fundit të 2021-ës. Në këto kushte, pritja e kosovarëve për të marrë vizë Shenge në ambasada do të vazhdojë. Sipas të dhënave të publikuar në këtë artikull, Këshilli i BE-së, që është institucioni vendimmarrës i Bashkimit Evropian, nuk pritet ta fus në agjendë as këtë vit çështjen e liberalizimit të vizave.
“Diskutimet për liberalizimin e vizave për Kosovën kanë mbetur në nivel teknik brenda Këshillit. Kjo temë nuk pritet të jetë në agjendën e Këshillit para fundit të vitit”, shkruan gazeta.
Mos futja e çështjes së liberalizimit të vizave në agjendën e Këshillit ka të bëjë edhe me shqetësimet që kanë shtetet anëtare të BE-së lidhur me përmbushjen e kritereve të kërkuara nga ana e Kosovës. Sakaq, bëhet e ditur se mos hapja e vizave do të vazhdoj për shkak se vendet e BE nuk kanë arritur një vendim të përbashkët. “Propozimi për t’i dhënë Kosovës liberalizim vizash është paraqitur nga Komisioni Evropian në Këshill dhe në Parlamentin Evropian në vitin 2016, pas një raporti më 2018 që tregonte se Kosova i ka përmbushur të gjitha kriteret e kërkuara. Është mbi bazën e këtij propozimi që Këshilli e ka diskutuar këtë çështje me synim për t’u pajtuar rreth mandatit të negocimit për fillimin e diskutimeve me Parlamentin Evropian. Megjithatë, përkrahja e nevojshme për një tekst nuk është arritur ende për shkak të shqetësimeve nga një numër i shteteve anëtare sa i përket përmbushjes së kritereve të kërkuara”, ka thënë tutje ky burim.
Kosova mbetet vendi i vetëm në Ballkanin Perëndimor, qytetarët e së cilës ende nuk e gëzojnë të drejtën e lëvizjes së lirë në zonën Shengen.
Discussion about this post