Kanë kaluar tre javë nga ekzekutimi mafioz i biznesmenit Demir Backa në Fier, ndërsa së fundmi hetuesit kanë zbuluar disa detaje të tjera lidhur me lëvizjet e autorëve.
Burime për gijotina.com bëjnë me dije se në vrasjen e Demir Backës kanë marr pjesë 2 automjete të të njëjtit tip Benz C Klas me probagazh e të njëjtës ngjyrë gri. Referuar hetimeve, mësohet se automjeti me të cilin vrasësit kryen krimin e më pas u larguan ka qenë me targa shqiptare ndërsa mjeti që u dogj ishte me targa kosovare. Këto lëvizje të cilat duket se janë përdorur për të shpërqendruar dhe ndërlikuar hetimet.
Në ekzekutim duket se kanë marrë pjesë më shumë se dy persona, pasi disa kanë ndihmuar për të larguar autorët nga vendi i ngjarjes, disa të tjerë për të shpërqendruar hetimet dhe policinë.
Burime për gijtoina.com bëjnë me dije se mjeti me targa kosovare ishte parkuar në kanal 30 minuta para vrasjes dhe u dogj nga persona të tjerë afro 7 minuta pasi u krye atentati. Personat i vunë flakën dhe u larguan për t’i tërhequr vëmendjen policisë ndërkohë që autorët që kryen atentatin u larguan drejt rrugës së Vlorës dhe ende të pa identifikuar prej policisë.
Vrasja e biznesmenit Demir Backa ka ndodhur në një zonë me lëvizje të shumta dhe në një rrugë kombëtare, ku ka kamera sigurie, po ashtu edhe monitorim të forcave policore. Këtë të fundit e ka konstatuar vetë familja e viktimës të cilët kanë treguar se policët ishin në vendin e ngjarjes por nuk kanë ndërhyrë. Megjithatë hetimi duket se ngelet vetëm tek e shkuara e biznesmenit, ndërsa autorët tashmë janë duke planifikuar zhdukjen e gjurmëve të tyre dhe arratisjen.
Discussion about this post