Pas shumë negociatave më në fund është arritur një armëpushim mes Rusisë dhe Ukrainës. Lajmin e ka bërë të ditur guvernatori i rajonit Luhansk në Ukrainën lindore, i cili tha se është arritur marrëveshja për një armëpushim lokal për evakuimin e civilëve të bllokuar nga luftimet. Serhiy Gaidai tha në aplikacionin e mesazheve Telegram se armëpushimi do të hynte në fuqi në orën 9 të mëngjesit sipas orës lokale. Rusia ka nisur pushtimin e Ukrainës më 24 shkurt. Deri më tani, lufta në Ukrainë ka shkaktuar miliona refugjatë.
Nga fillimi i luftës deri në mesnatën e 19 marsit, Zyra e Komisionerit të Lartë të OKB-së për të Drejtat e Njeriut (OHCHR) regjistroi 902 civilë të vrarë dhe 1,459 të plagosur. Zyrtarët ukrainas thonë se mijëra civilë janë vrarë. Zyra e Prokurorit të Përgjithshëm të Ukrainës raportoi të shtunën se 112 fëmijë janë vrarë që nga fillimi i luftimeve ndërsa shumë se 140 fëmijë janë plagosur. Një krizë e theksuar humanitare po zhvillohet momentalisht në qytetin- port të Mariupolit ku vlerësohet se mbi 200,000 civilë mbeten të bllokuar pa ujë, rrymë dhe furnizime ushqimore./REL/
Discussion about this post