Shtetet e Bashkuara të Amerikës i kanë dhënë dritën jeshile të gjithë qytetarëve shqiptarë të cilët janë vaksinuar me vaksinën kineze, pasi nga sot lejohen të futen në këtë vend.
CDC amerikane njoftoi se SHBA do të lejojë të hyjnë në vend qytetarët e vaksinuar me një nga vaksinat e miratuara nga OBSH, Coronavac, Sinopharm dhe AstraZeneca. Nuk ka njoftim ende për rusen Sputnik me të cilën në Shqipëri u vaksinuan kryesisht forcat policore.
Nga Nëntori, Shtetet e Bashkuara do të heqin kufizimet e udhëtimit për qytetarët nga 33 vende, përfshirë Shqipërinë, por edhe Kinën, Indinë, Brazilin dhe shumicën e Europës. Ata që duan të futen në SHBA, pavarësisht nëse janë të vaksinuar duhet të bëjnë edhe tampon PCR pra molekular.
