Tirana ka marrë një lajm të mirë përpara takimit të tretë brenda dy javëve me Dinamon, këtë herë për ndeshjen e kthimit të fazës së 1/8 të Kupës së Shqipërisë që do të luhet më 17 nëntor.
Me ‘Bardheblutë’ janë kthyer pas pezullimit Ngoo dhe Toli, të cilët janë pjesë e rëndësishme e formacionit të trajnerit Orges Shehi.
Ndërsa Hoxhallari që është pjesë e grumbullimit të Kombëtares nuk do të jetë pjesë e grupit të Tiranës kundër ‘Bluve’ të kryeqytetit.
Rikujtojmë që takimi i parë midis këtyre dy skuadrave, ai për Kupën u mbyll me fitoren e Dinamos me rezultatin 2-0, ndërsa takimi i Superligës u dominua nga ‘Bardheblutë’ që fituan me rezultatin 4-0.
Aktualisht Tirana është duke kaluar në një periudhë shumë të mirë dhe qëndron në krye të tabelës së Superligës./K.T/Gijotina.com
Discussion about this post