Një tjetër lajm i mirë vjen nga DPSHTRR për të gjithë drejtuesit e mjeteve. Nga viti i ardhshëm do të lehtësohen procedurat për ndërrimin e pronësisë së automjeteve. Për më tepër mund të informoheni në informacionet dhe video të publikuara nga Drejtoria e Përgjithshme e Shërbimeve të transportit Rrugor.
Sipas njoftimit, mbi 60,000 mjete në vit paraqiten për Kontroll Fizik kur ndërrojnë pronësinë e mjetit. Kjo procedurë kërkon prezencën e mjetit dhe një kohë (radha+kontrolli) që varet nga fluksi ditor (~30 minuta). Falë marrjes në administrim sivjet të Kontrollit Teknik, sistemet informatike ndërveprojnë ndaj Certifikata e Kolaudimit e lëshuar nga DPSHTRR e bën të panevojshme që mjeti t’i nënshtrohet përsëri kontrollit fizik!
Po ashtu në njoftim theksohet se do të eliminohen nga viti 2022 mbi 60,000 praktika Kontrolli Fizik në vit! Do të thjeshtohen procedurat, duke liruar kapanonet nga radhët e duke ndihmuar për një shërbim më të shpejtë për të gjithë: – Ulim kohën e shërbimit të Ndërrimit të Pronësisë me rreth -30 min! – Ulim koston e këtij shërbimi me -1,500 lekë më pak! I kursejmë qytetarëve në total: •90,000,000 lekë/vit •30,000 orë pritje/vit Më Lehtë, Më Shpejt, Më Lirë!
Discussion about this post