Një lajm tragjik ka ardhur në ambjentet e klubit francez të Nantes në prag të sfidës të vlefshme për UEFA Europa league përballë Juventus. Sulmuesi i Nantes, Ignatius Ganago do të mungojë në ndeshjen, e planifikuar për të enjten në orën 21:00 në stadiumin “Allianz” të Torinos, për shkak të dramës personale.
Kamerunasi, siç raportohet nga gazeta “L’Equipe”, fluturoi në shtëpi pas ndarjes nga jeta të vajzës së tij pesëvjeçare.
Nga sa bëhet me dije, vogëlushja ka ndërruar jetë për shkak të një sëmundjeje të papritur. Klubi francez është në shok dhe i dha menjëherë lejen për t’u kthyer në Kamerun.
Prandaj sulmuesi nuk do të jetë në dispozicion të trajnerit të Nantes, Antoine Kombouare për ndeshjen e parë të play-off-it të Europa League kundër torinezve.
Discussion about this post