Prokuroria e Përgjithshme njofton se ka përfunduar procedura e shprehjes së interesit për kandidatë në Këshillin e Lartë të Prokurorisë e shpallur nga Prokurori i Përgjithshëm Z. Olsian Çela në 22 korrik 2021.
Në përfundim të afatit të përcaktuar, kanë shprehur interes dhe kanë dorëzuar dokumentacionin e kërkuar prokurorët nga prokuroritë e juridiksionit të përgjithshëm, Deniona Katro, prokurore, Prokuroria pranë Gjykatës së Shkallës së Parë, Tiranë, Zeqir Hoda, prokuror, Prokuroria pranë Gjykatës së Shkallës së Parë, Tiranë, Sokol Stojani, prokuror, Prokuroria e Përgjithshme, Elona Alvora, prokurore, Prokuroria pranë Gjykatës së Shkallës së Parë, Vlorë, Ludovik Doda, prokuror, Prokuroria e Apelit, Durrës
Në njoftim thuhet se nga ana e Prokurorisë së Përgjithshme brenda 7 ditëve nga përfundimi i afatit për dorëzimin e shprehjeve të interesit, do të bëhet verifikimi i dokumentacionit dhe kushteve ligjore. Pas përfundimit të kësaj procedure kandidaturat do të shpallen në faqen zyrtare, për të vijuar me organizimin e mbledhjes së përgjithshme të prokurorëve pas thirrjes të saj nga Prokurori i Përgjithshëm.
