Partia Demokratike ka lajmëruar se do të mbledhë këtë të enjte kryesinë e grupit. Burime bëjnë me dije se mbledhja është parashikuar të nisë në orën 18:30.
Takimi zhvillohet një ditë para seancës së parë plenare të Parlamentit të dalë nga zgjedhjet e 25 prillit. Nuk dihet ende se çfarë pritet të diskutohet, por një nga çështjet që pritet me interes të madh, është edhe qëndrimi zyrtar që do të mbaj PD për ish-kryeministrin Sali Berisha pasi deri më tani nuk është shprehur.
Punimet do të nisin të premten e 10 shtatorit, në orën 10:00.
