Bordi i Transparencës ka ndryshuar sërish çmimin e karburanteve. Një litër naftë me pakicë do të shitet me 235 lekë, kurse një litër benzinë me 211 lekë. Ndërkohë, nuk ndryshon asgjë për gazin, i cili shitet me 115 lekë/ litri.
Vendimi i Bordit do të reflektohet sot nga ora 18.00, deri në mbledhjen e ardhshme të bordit, me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare.
Çdo operator i shitjes me shumicë dhe pakicë i nënprodukteve të naftës është i detyruar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë. Në rast të shkeljeve të konstatuara nga operatorë të ndryshëm do të vendoset pezullim aktiviteti, heqje licence dhe sekuestrim.
Discussion about this post