Prokuroria e Përgjithshme ka zgjedhur sot zëvendës kryeprokurorin. Lajmin e ka bërë vetë institucioni përmes një njoftimi publik, ku tregohet se Thoma Jano është rizgjedhur zëvendës kryeprokuror i Përgjithshëm i Shqipërisë.
“Pas shpalljes së thirrjes për shprehjen e interesit nga Prokurori i Përgjithshëm, për pozicionin e zv.Prokurorit të Përgjithshëm, në mbledhjen e prokurorëve të Prokurorisë së Përgjithshme të zhvilluar në datë 17 dhjetor 2021 është rizgjedhur me votim unanim kandidatura e z. Thoma Jano për pozicionin e zv.Prokurorit të Përgjithshëm. Z. Jano riemërohet Zëvëndësprokuror i Përgjithshëm me vendimin nr. 132, date 30.12.2021 të Prokurorit të Përgjithshëm”, thuhet në njoftim.
Jano e mbante prej dy vitesh këtë post, ndërsa në fund të 2021 i mbaroi mandati. Sipas Prokurorisë, Zëvendësprokurori i Përgjithshëm zgjidhet nga radhët e prokurorëve të prokurorisë së Përgjithshme dhe duhet të ketë të paktën 10 vjet përvojë si prokuror në Prokurorinë e Përgjithshme, ndërsa shton se Jano ishte kandidatura e vetme qe shprehu interesin.
Discussion about this post