Publikimi i pagave të rreth 630 mijë qytetarëve shqiptarë, zbuloi pozicionin e Monika Lubonjës në Bashkinë e Tiranës si këshilltare e Erion Veliaj, për të cilën të gjithë ngelën të surprizuar.
Kryebashkiaku vendosi të pezullojë nga puna aktoren dhe ish-konkurrenten e reality show-t “Big Brother VIP”.
Në mesin e 630 mijë qytetarëve shihej se Lubonja ishte e punësuar në Bashkinë Tiranë dhe merrte një pagë prej 114 mijë lekësh të reja. Në kohën që u bënë publike të dhënat, nuk pati asnjë reagim nga ana e Bashkisë Tiranë.
Lidhur me këtë lajm Monika ka treguar versionin e saj, duke thënë se sapo mori vendimin për të hyrë në BBV, shkoi tek burimet njerëzore dhe njoftoi se do të bëhej pjesë e një reality show.
“Kam kërkuar të më ndërpritet paga, ndaj nuk jam paguar për 4 muaj. Edhe sot që jam me juve jam e pa paguar dhe kjo mund të vërtetohet lehtësisht dhe kjo është fatkeqësia e opinionit që marrin diçka, e sjellin dhe e japin bruto”, tha Monika.
Discussion about this post