Pasi përvetësuan bashkë në projektet për rindërtimin e shkollave, Erion Veliaj do t’i japë Irdi Kullës miliona lekë për të mbikëqyrur punimet në lagjen e VIP-ave. Ditën e premte, kryebashkiaku i Tiranës ka mbyllur tenderin me vlerë 4 856 988,00 lekë (të reja). Me këto para, Lali Eri kërkon që të paguajë mbikëqyrësin e punimeve për disa lagje në Tiranë, që kryesisht janë të populluar nga VIP-a, si “Kodra e Diellit”, “Rruga e Agallarëve”, etj.
Tenderi është me objekt “Mbikëqyrja e punimeve për 4 objekte të infrastrukturës në qytetin e Tiranës për vitin 2022”. Në dokumentet e tij janë evidentuar shkelje të shumta. Open Data i ka vënë “Flamurin e kuq” duke sugjeruar riskun e korrupsionit për këtë projekt.
Së pari, tregohet se fituesi për këtë projekt është shpallur pa garë. Gjashtë kompani kanë paraqitur ofertat e tyre. Por, Veliaj i ka skualifkuar menjëherë duke lënë në garë vetëm kompaninë e mikut të tij “Toëer shpk”. E cila është shpallur menjëherë fituese, edhe pse firma të tjera kishin dhënë oferta më të lira. Këtu Veliaj ka shkelur ligjin, por kjo nuk e ka penguar të vazhdojë me programin e tij.
Lojërat me shifrat
Vetëm për një projekt Kulla ka dhënë ofertën me vlerë 15 milionë lekë. Këtu vihet re edhe një tjetër shkelje nga qeveria. Pasi në objektin bazë të këtij projekti thuhet se oferta 48 milionë lekë për mbikëqyrjen e të katër projekteve.
Ndërsa janë në plan 4 projekte dhe secili prej tyre kap vlerat mbi 13 milionë lekë, 17milionë lekë deri në 19 milionë lekë. Që konkretisht janë ““Mbikëqyrja e punimeve për objektin: Rikonstruksioni i rrugës “Agallarëve”, Mbikëqyrja e punimeve për objektin: “Rikualifikim urban i zonës “Kodra e Diellit”, “Mbikëqyrja e punimeve për objektin: “Rikualifikim urban i bllokut kufizuar nga rrugët 3 Dëshmorët – Rexhep Shala – Joklin Persi” dhe Mbikëqyrja e punimeve për objektin: “Rruga për tek Liqeni Çerkezës”.
Kjo tregon hapur që kjo ofertë deri në fund të zbatimit, projektit do të kalojë shifrat e përcaktuara. Kështu, Veliaj vazhdon të pranojë ofertat më të shtrenjta.
Po, sa para do të paguhen vërtetë për mbikëqyrjen e këtyre punimeve? Kjo është një përgjigje që duhet ta japë SPAK-u. Kujtojmë se fituesi Irdi Kulla është bërë edhe më herët pjesë e aferës së projektit të rindërtimit. Përmendim këtu rastin për rindërtimin e shkollës së mesme dhe parashkollor “Llesh Nik Daka” në Lezhë. Për mbikëqyrjen e punimeve janë paguar gati 30 milionë lekë Irdi Kulla dhe Saidjon Kodhelaj me kompanitë e tyre. Së pari vihet re se mbikëqyrësit kanë marrë tenderin pa garë. Së dyti kanë firmosur për punën që nuk është kryer si dihet nga ndërtuesit. Si për shembull; Nga dokumentet e tenderit rezulton se dy kompanitë kanë mashtruar me kaldajën, e cila është jashtë funksionit dhe nuk realizon ngrohjen sipas kapaciteteve dhe kushteve të parashikuara në kontratë.
Por, mbikëqyrësit kanë firmosur sikur punimet janë më rregull. Çka i bënë ata pjesë të korrupsionit. Vazhdojnë të vidhen në ditën me diell paratë e buxhetit të shtetit dhe SPAK-u rri e vështron!
Lexo edhe:Fiton oligarku i fondeve/ Veliaj, 1.8 mln euro për lagjen e VIP-ave
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post