Kryebashkiaku i Tiranës, Erion Veliaj e ka kthyer bashkinë në një institucion që harton tenderë për biznesmenët e pushtetshëm. Nëse do t’i hedhim një sy të gjitha kontratave të lëshuara nga Bashkia Tiranë vërehet se fituesit janë një numër i vogël biznesmenësh, miq të Veliajt, që fitojnë pothuajse çdo prokurim.
Këtë radhë bëhet fjalë për prokurimin me objekt “ “Rehabilitimi i Emergjencës Civile Rrëshqitje dherash në Mjull Bathore”. Për të rregulluar godinën e Emergjencës Civile, Bashkia do të shpenzojë 150 milionë lekë. Veliaj ka preferuar t’i mbyllë shpejt e shpejt procedurat pa garë. Kështu nga 6 kompani që kanë paraqitur oferta, Bashkia Tiranë la në garë vetëm firmën “KLAJGER KONSTRUKSION” me pronar Sadik Lumin. Ky i fundit mori fitoren pa konkurrencë dhe tenderi u skuq nga abuzimet.
Sakaq, pesë kompanitë e tjera janë skualifikuar nga gara me motivacionin se nuk kanë dorëzuar formuarin e deklarimit për punonjësit dhe administratorët. Edhe pse 4 prej tyre janë ofruar që ta kryejnë këtë shërbim me më pak shpenzime se sa Sadik Lumi. Konkretisht, “KLAJGER KONSTRUKSION” ka paraqitur ofertën me vlerë 130 milionë lekë të vjetra. Ndërsa kemi dy kompani që kanë paraqitur ofertat me 100 milionë lekë, pra 30 milionë lekë më lirë. Por, edhe në këtë rast duke shkelur rregulloren për riskun e lartë ndaj fondit limit, Veliaj ia ka dhuruar tenderin kompanisë me ofertën më të shtrenjtë.
3 mld lekë tender Sadik Lumit
Sadik Lumi është një nga biznesmenët që ka bashkëpunime të shpeshta me Veliajn. Madje një pjesë e mirë kontratave janë marrë pa garë dhe me vlera të larta. Vetëm në vitet 2019-2022, firma KLAJGER KONSTRUKSION” ka xhiruar 10 miliardë lekë tenderë. Sipas të dhënave të siguruara nga Gijotina.com, 3 miliardë lekë janë siguruar vetëm nga prokurimet e këtij viti. Nga muaji shkurt në fund të muajit tetor, KLAJGER KONSTRUKSION” ka fituar 13 tenderë me vlerën 13 miliardë lekë. Të gjitha këto kontrata rezultojnë të jenë nënshkruara nga Bashkia Tiranë.
Madje në disa nga tenderët shihet se gara ka qenë fiktive, pasi është hapur tenderi vetëm që t’i jepte garanci Lumit për të vazhduar projektet ndërtimore, që mund të kishin filluar 4 vite më parë. Por, edhe nëse projekti shtohej, sërish shtesat e parave shtohen në xhepin e kompanisë së Sadik Lumit. Tashmë të gjithë këta biznesmenë që në maj Veliaj të jetë sërish në krye të bashkisë dhe aferat të vazhdojnë.
Lexo edhe: Veliaj i pandashëm nga Fusha, i jep pa garë 24 milionë lekë për shërbime te Tirana Parking
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post