Reshjet e shumta të shiut kanë sjellë problematika edhe në Tiranë, kryesisht tek Siri Kodra, ku në 7 banesa uji ka hyrë deri në pjesën e oborrit. Për njërën nga familjet situata ka qenë më e rënduar për shkak se uji u ka hyrë brenda në shtëpi.
“Ka hyrë uji në shtëpi brenda, i kam ngritur teshat lartë kapicë. U mbushen familjet e tjera edhe më plot, unë i kam ngritur teshat lart se nuk kam nga ia mbajë. Tualeti është top mbush me ujë, shkuam blemë edhe çizme se nuk mund të rrinim dot zbath. 2 çunat kam, gruaja dhe unë. Kemi ndenjur ne krevat se uji ishte poshtë, vishnim çizmet që të lëviznim. Nga reshjet ne mbrëmë deri në afërsi të mëngjesit pothuajse na hyri uji brenda. Këtu mbrëmë nuk mund te dilje fare, këta thonë janë bllokuar kolektorët, pusetat. Shumë shumë keq është si sivjet nuk ka bërë vaki, u lemeris e gjithë shtëpia, ku të shkonim vetëm të hipnim në tarracë lartë. Ishalla nuk bo vaki mo se me ardhë ky qamet nuk bohet, u shkatërron çdo gjë që kishim lënë jashtë, çdo gjë iku dëm”.
Gjatë mbrëmjes së të dielës problematika janë shfaqur edhe në zonën e Don Boskos si dhe në Kombinat, ku është nevojitur ndërhyrja e forcave zjarrfikëse.
Lexo edhe: Përmbytjet/ Berisha: Rama e Balluku hapën tunelin e Komanit
Deri më tani në kryeqytet nuk ka pasur familje te evakuuara për shkak të rëndimit të situatës si pasojë e reshjeve të shumta që kanë përfshirë vendin.
Discussion about this post