Andre Onana ka çantat në duar dhe pas humbjes së finales së Champions League në Stamboll, ai mund të mos i hapë valixhet për t’u kthyer në Milano, duke u nisur direkt në Mançester, por në spondën e kuqe të qytetit.
Mançester United është serioz dhe mbi të gjitha janë ata që konkretisht kanë lëvizur më shumë te lojtari me një propozim prej 50 milionë euro plus bonuse për Interin.
Lamtumira është afër, Onana është zgjedhur nga Ten Hag – dikur trajneri i tij te Ajaxi – dhe kontaktet mes drejtuesve të klubit anglez dhe rrethit të portierit nuk kanë sjellë asnjë pengesë në bisedime.
27-vjeçari, pas vetëm një sezoni te Interi, ku mbërriti me parametra zero nga Ajaxi, është gati të pranojë ofertën e Manchester United, i cili e identifikoi atë si trashëgimtarin e De Geas, duke mposhtur Chelsean, i cili – pavarësisht se ka lëvizur i pari – nuk ka bërë ndonjë përparim në bisedimet e javëve të fundit.
Mendimi i Ten Hag, trajnerit të Djajve të Kuq dhe admirues i madh i Onanës që në ditët kur e kishte te Ajax, ishte vendimtar në përshpejtimin e Manchester United, por mbi të gjitha vendimi me të cilin drejtuesit anglezë donin të arrinin një marrëveshje me kamerunasin.
Rreth 50 milionë euro për Nerazzurrët plus bonuse, një fitim i madh kapital që është pothuajse i domosdoshëm për buxhetin e klubit lombard.
Discussion about this post