Ish-lojtari i kombëtares spanjolle sot trajner i Barcelonës, Xavi Hernandez ka impresionuar pas kthimit të tij në klub teksa e ka bërë Barcelonën, të luftojë për titullin e parë në La Ligas që nga viti 2019.
Presidenti i klubit, Joan Laporta tashmë ka lënë të kuptohet se klubi është i kënaqur me ndikimin e Xavit në skuadër me një synim për të rinovuar kontratën e tij aktuale.
Hernandez nënshkroi një marrëveshje 2-vjeçare e gjysmë në fund të vitit 2021, duke e çuar atë deri në fund të sezonit 2023/24, me plane për të vazhduar bashkëpunimin deri në vitin 2026.
Drejtori sportiv Mateu Alemany ka mbështetur komentet e Laportas, por insistoi se fokusi është te fitimi i titullit, përpara një sezoni të ngjeshur.
Krahas fitimit të mundshëm të ligës dhe të Kupës së Mbretit në fund të sezonit, raporti i fitoreve të Xavit gjithashtu ka rënë në sy, pasi ai kërkon ta kthejë Barcelonën në majën e futbollit spanjoll.
Discussion about this post