Skuadra e Barcelonës e komplikoi kualifikimin në turin me eliminim direkt në Ligën e Kampionëve. Katalanasit barazuan pa gola ndaj skuadrës së Benfikas teksa duhet të fitojnë me Bajernin ndeshjen e fundit për të vulosur objektivin e parë sezonal.
Një mision shumë i vështirë për spanjollët teksa presidenti Joan Laporta ka theksuar se është i bindur tek fitorja ndaj Bajernit të Mynihut.
“Jam i bindur se do fitojnë ndaj Bayern Munich. Nuk është mrekulli, mund të arrihet”, tha shkurtimisht numri një i skuadrës së Barcelonës, Joan Laporta.
Katalanasit po zhvillojnë një sezon për tu harruar teksa emërimi në krye të skuadrës i trajnerit Ksavi Hernandez ka ndezur shpresën por ndeshja me Benfikan tregoi se do të jetë shumë e vështirë që spanjolli të rikthejë ekipin tek sukseset e dikurshme.
Discussion about this post