2022 pa dyshim që do të jetë viti ku e gjithë vëmendja e klubeve kryesore të futbollit botëror do të jetë e përqendruar nga Kylian Mbappe dhe Erling Haaland, e ardhmja e të cilëve pritet të mos jetë më në klubet ku ndodhen aktualisht.
E ndërsa të dy lojtarët janë duke u ndjekur me kujdes të madh nga klubi i Real Madrid dhe dëshira e tyre duket se nuk mungon për t’u bashkuar me ‘Los Blancos’, një gjë e tillë nuk shihet aspak mirë nga presidenti i Barcelonës Joan Laporta. Ai po bën gjithçka që mundet për të parandaluar marrëveshjen e të paktën norvegjezit me Madrilenët
Kreu i katalanasve po bën gjithçka që mundet për të përforcuar skuadrën e Barcelonës, që ka kaluar një gjysmë të parë të zymtë të sezonit.
Ndonëse merkato e janarit fillon për pak ditë, jo të gjitha lëvizjet që presidenti i Barcelonës po planifikon do të ndodhin menjëherë, siç tregoi takimi i tij me Raiolën. Joan Laporta ka pranuar në disa raste se ai nuk dëshiron ta shohë Haaland të kalojë te Real Madridi dhe t’i bashkohet Mbappes.
Në të kundërt ekipi i ‘Blaugrana’ do të duhej të përballej me treshen e sulmit Mbappe-Haaland-Vinicius Jr, që duhet shumë e frikshme./K.T/Gijotina.com
Discussion about this post