“Reality Show”-t aludohet shpeshherë se nuk janë të vërtetë, por i qëndrojnë besnik skenarëve. E njëjta gjë vlen dhe për “Big Brother VIP”, ku dalja nga shtëpia e këngëtares Big Mama është thënë se ka qenë e planifikuar. Madje u përfol se ajo ka rënë dakort që në fillim për të qëndruar vetëm 3 javë në shtëpi. Vetëm pak kohë pas daljes nga shtëpia mësohet se Big Mama i është kthyer punës, respektivisht dasmave. Mësohet se ajo është këngëtarja kryesore në dasmën e futbollistit të njohur nga Maqedonia, Mevlan Murati. Kjo gjë ka ngjallur dyshime se ajo mund të jetë larguar nga shtëpia me paramendim dhe me dakortësimin e stafit, pasi siç dihet këngëtarët në dasma rezervohen javë e muaj para ceremonisë.
Big Mama doli nga shtëpia me motivin se nuk mund të përballonte më presionin brenda, pasi ajo ishte 100% reale aty. Ajo pati një sherr të fortë me Antonelën, ku nuk i kurseu ofendimet ndaj saj dhe menjëherë pas këtij debati la shtëpinë.
Discussion about this post