Babai i Lionel Messit ka dhënë së fundmi një prononcim për largimin e të birit nga Barcelona dhe detajet që deri më tani nuk diheshin.
Teksa foli mëngjesin pas debutimit të Messit për PSG, Jorge e mohoi se familja e tij është e inatosur me Barcelonën për mënyrën sesi klubi e largoi atë.
“Jo, jo me klubin. Ndihem i lënduar nga disa njerëz, kjo është e gjitha.”- u shpreh babai dhe njëkohësisht agjenti i ‘pleshtit’.
Ndërsa më tej ai u pyet edhe si u ndje kur e pa Messin duke luajtur për PSG-në. Përgjigja e tij ishte e shkurtër: “Kështu e ka jeta”.
Rikujtojmë se ylli argjentinas ishte i gatshëm ta vazhdonte marrëveshjen me Barcelonën, por klubi e njoftoi se e kishte të pamundur të nënshkruante me të për shkak të rregullave financiare të La Ligës, pavarësisht se sulmuesi e kishte ulur pagën për 50%./Gijotina.com
