Mesfushori Sandro Tonali, u rikthye në Milano nga Londra pas nënshkrimit me Newcastle: “Ndjesitë e para për klubin e ri janë pozitive. Ata më donin shumë, perceptoj besim të madh”
“Milani më trajtoi si një djalë: largimi nga klubi ishte zgjedhja më e vështirë e karrierës sime”. I sapo kthyer nga Anglia – ku dje kaloi ditën e tij të parë si lojtar i Newcastle – Sandro Tonali është kthyer për të folur për lamtumirën e tij me Milanin. “Ndjesitë e para për klubin e ri janë pozitive. Ata më donin shumë, perceptoj besim të madh”, shpjegoi ai teksa po largohej nga aeroporti Linate.
Lidhja me kuqezinjtë, garanton Sandro, do të mbetet shumë e fortë edhe pas transferimit të tij: “I dua të gjithë njerëzit që kanë punuar me mua, do t’i shikoj në televizion dhe do të vazhdoj të bëj tifo për ta. Zgjedhja ime lidhet me lamtumirën e Maldinit? Paolo ishte shumë i rëndësishëm për mua, veçanërisht gjatë sezonit tim të parë në Milano. Ai ka qenë dhe mbetet një pikë referimi për ne djemtë”.
Përveç tifozëve kuqezi, edhe miku i tij Leao mësoi me habi lajmin e kalimit të Tonalit te Newcastle: “Në fillim u befasua, më pas e kuptoi zgjedhjen time. Ne do të qëndrojmë në kontakt, ne jemi miq të shkëlqyer”. Fjalët e fundit të mesfushorit tingëllojnë si një lamtumirë nostalgjike: “Shpresoj që një ditë të mund të kthehem këtu dhe të shoh tifozët e Milanit duke buzëqeshur”./La Gazzetta dello Sport
Discussion about this post