Sekretari i Përgjithshëm i PD-së, Gazment Bardhi, ka shkuar t’iu kërkojë llogari policëve se për çfarë arsye ndaluan dy anëtarë të PD. Në atë momente ka nisur një përplasje verbale me punonjësvetë Policisë së Shtetit që ndodhen në hyrjen e selisë blu. Bardhi po iu kokrronte shpjegim në lidhje me ndalimet e bëra, por efektivët i thanë që të drejtohet te zyra e shtypit për informacion, madje kanë thënë se ata do të largohen nga ambientet e PD kur të duan ata vetë.
Pjesë nga debati:
Gazment Bardhi: Kush është shefi juaj? Ju lutem më thoni, shkoj te hyrja më thonë shko atje, vij këtu më thonë, shko atje.
Polici: Nuk jemi ne ai autoritet. E di shumë mirë ti, mirupafshim.
Gazment Bardhi: Detyrën ti nuk e bën dot në shkelje të ligjit. Pse po bëni ndalime?
Polici: Edhe sot je i paqartë përse janë shoqëruar në komisariat?
Gazment Bardhi: Ne kemi qenë në një mbledhje pune, ju nuk keni qenë, secili është kontrolluar në prezencë të prokurorëve. A mund të ma jepni edhe mua arsyet?
Polici: Besoj për të sqaruar rrethanat e ngjarjes së sotme. Drejtohu për informacion zyrës së shtypit.
Gazment Bardhi: Për çfarë po qëndroni këtu?
Polici: Vazhdo fol, ne jemi në punën tonë.
Gazment Bardhi: Kush është puna juaj? Çfarë po bëni tani në oborrin e PD-së? Është pronë e PD-së, përse jeni tani në një pronë që nuk mund të hyni?
Polici: Nuk të jap asnjë deklaratë. Ne do të ikim kur duam ne dhe jo ju.
Gazment Bardhi: Jo, jo.
Polici: Mirë, vazhdoni atëherë.
Discussion about this post