Lazio ka fituar ndeshjen e radhës në Serie A përballë Venezias me rezultatin 1-3. Të besuarit e Sarrit kaluan të parët në avantazh me Pedron, por vendasit barazuan në minutën e 30-të me Forte.
Lacialët e siguruan fitoren në pjesën e dytë, kur shënuan edhe dy gola të tjerë. Në minutën e 48-të ishte Acerbi ai që i dha avantazhin skuadrës së tij, ndërsa pak para përfundimit të ndeshjes Alberto vulosi rezultatin në 1-3.
Në këtë ndeshje Thomas Strakosha e nisi si titullar, ndërsa mbrojtësi Elseid Hysaj mungonte për shkak të një dëmtimi.
Me fitoren e sotme Lazio renditet në vendin e tetë të Serie A me 31 pikë, ndërsa Venezia është në vendin e 16-të me 17 pikë.
Në ndeshjen tjetër Bologna fitoi me rezultatin 0-3 ndaj Sassuolo. Golat u shënuan nga Orsolini, Hickey dhe Santander.
Discussion about this post