Lefter Koka vijon betejën me drejtësinë. Ish-ministri i Mjedisit i është drejtuar me dy kërkesa Gjykatës së Lartë për ndryshim të masës së sigurisë. Për të disatën herë Koka i kërkon gjykatës së Lartë ndryshim të masave të sigurisë edhe për inceneatorin e Fierit dhe për Elbasanin. Kërkesat e Kokës për masa më të butë sigurie do shqyrtohen nga Gjykata e Lartë më 16 shkurt nga gjyqtari Mehdi Bici.
Koka kërkon masë më të butë me argumentin se ka probleme shëndetësore. Ai akuzohet për korrupsion, shpërdorim detyre dhe pastrim parash, për ndërtimin e dy inceneratorëve atë të Fierit dhe Elbasanit.
Sipas Prokurorisë së Posaçme, në cilësinë e ministrit te Mjedisit, Koka ka shkelur ligjin gjatë procedurës për dhënien me koncesion të inceneratorit të Elbasanit dhe të Fierit duke përfituar rreth 5 milionë euro ryshfet.
Përvec hetimit penal, ndaj ish-ministrit ka nisur edhe hetim pasuror ndërsa janë vënë në sekuestro 5 pasuri në emër të tij dhe familjarëve.
Discussion about this post