Gjatë kësaj të marte, të shumta kanë qënë akuzat ndaj Rusisë, nga nxitja e dyshuar për një grusht shteti në Moldavi deri te shënjestrimi i civilëve në territoret e pushtuara në Ukrainë.
Megjithatë shteti rus ka reaguar në lidhje me akuzat si dhe ndaj samitit të NATO-s që po zhvillohet në kuadër të ndihmave ushtarake dhe njerëzore për Kievin.
“Aleanca është armiqësore ndaj nesh dhe e dëshmon këtë armiqësi çdo ditë“, tha zëdhënësi i Kremlinit, Dmitry Peskov.
Rusia paralajmëroi gjithashtu se përfshirja e aleancës ushtarake të kryesuar nga SHBA-ja në furnizimin me armë në Ukrainë do ta zvarrisë konfliktin dhe do të rrisë mundësinë e përshkallëzimit të mëtejshëm.
“Po përpiqet të bëjë më të mirën për ta bërë sa më të qartë përfshirjen e saj në konfliktin me Ukrainën”, u shpreh i besuari i presidentit rus, Vladimir Putin.
Discussion about this post