Ish-kryeministri Sali Berisha ka dalë në një konferencë për mediat një ditë pasi kryeministrit Edi Rama prezantoi rezultatet e Këshillimit Kombëtar, dhe deklaroi se qeveria do të lejojë legalizimin e kanabisit mjekësor në vend.
Nga selia blu, Berisha deklaroi se ndonëse mund të ketë efekte pozitive nëse jepen nga mjeku, por legalizimi i tij do të jetë i dëmshëm dhe rrezikon jetën e të rinjve.
“Legalizimi i kanabis është i dëmshëm, vret të rinjtë. Në formimin tim si mjek kam lexuar gjerësisht për kanabisin, jam i vetëdijshëm se vaji i kësaj bime përdoret për lehtësimin e disa rrethanave, ankthit, dhimbjeve dhe të tjerave. Në këtë kontekst, të dhëna nga mjeku nuk kam ndonjë kundërshti, por studime të gjera të universiteteve më prestigjioze kanë faktuar se kanabis krijon probleme serioze strukturore dhe në procese të trurit. Shfaq psikoza më të rënda”, tha Berisha.
Ish kreu i PD shton se vendimi i Ramës për të legalizuar kanabisin është i pamenduar mirë, se kjo sipas tij mund të sjellë edhe shkatërrimin e rrugës drejt BE.
“Për Europën dhe fqinjët tanë, kanabisi është vetëm krim dhe organizatë kriminale. Në një moment ku po krijohej klimë pozitive reale për negociatat. Por ky dërgon mesazh se do legalizoj kanabisin paçka se vetëm Italia shpenzon për mbrojtje qindra edhe miliarda euro”, shtoi ai.
Kujtojmë se ditën e djeshme, teksa prezantoi rezultatet e Këshillimit Kombëtar, Rama tha se 61% e shqiptarëve ishin pro legalizimit të kanabisit mjekësor, prandaj sipas tij “kjo dëshirë” e shqiptarëve do të bëhet fakt me të gjitha rreziqet që pritet të sjellë.
Discussion about this post