Prej disa sezonesh flitet për “pensionimin” e Joaquin Sanchez, lojtarit ikonë të Real Betis. Dhe, duket se më në fund ky moment ka mbërritur me 41-vjeçarin që deklaroi se sezoni aktual është i fundit në karrierë dhe se do të “varë këpucët në gozhdë”.
“Los Beticos” e komunikuan tërheqjen e Joaquin nga futbolli nëpërmjet Twitter me lojtarin që shprehet se asgjë nuk është e përjetshme.
Në 23 vite karrierë, Joaquin numëron 812 paraqitje duke shënuar 112 gola si dhe 102 asistime. Nga ana tjetër, Joaquin ka qenë gjithashtu pjesë e kombëtares së Spanjës ku me Furia Roja numëron 51 paraqitje, duke realizuar katër gola dhe katër asistime.
Joaquin mban rekordin e paraqitjeve me Betis duke kompletuar për momentin 521 ndeshje, teksa është vetëm shtatë ndeshje larg rekordit si lojtari me më shumë paraqitje në historinë e LaLigas që për momentin mbahet nga Zubizarreta me 622.
Joaquin është formuar në akademinë e Real Betis, ndërsa është aktivizuar edhe me Valencian, Valencian, Malagan, Fiorentinën në Itali teksa në vitin 2015 u rikthye sërish në shtëpinë e tij, Betis ku do të mbyllë edhe karrierën.
Discussion about this post