Një legjendë e futbollit amerikanolatin ka njoftuar këtë të enjte se do të tërhiqet nga ky sport. Fjala është për një ikonë të Atletico Madridit dhe Kombëtares Uruguanjane.
Qendërmbrojtësi Diego Godin, i cili ka veshur edhe uniformat e Inter, Villarreal dhe Cagliari në futbollin europian, ka njoftuar se ndeshja e skuadrës së dielës mbrëma e skuadrës së tij Velez Sarsfield ndaj Huracan do të jetë e fundit e karrierës së tij si futbollist profesionit.
Me një karrierë të pasur me plot arritje, Godin ka arritur të zhvillojë plot 626 përballje në karrierën e tij, ku ka arritë të shënojë plot 38 gola e të dhurojë 23 asistime, si dhe ka arritur të fitojë 3 herë Superkupën e Evropës, 2 herë Europa League, 1 trofe të La Liga, 1 Copa del Rey, 1 Superkupë të Spanjës, 1 Superkupë të Brazilit dhe Kupën e Amerikës me kombëtaren e Uruguajit.
Ndërkaq, kujtojmë se pas largimit nga futbolli evropian në janarin e vitit 2022, ku u transferua te brazilianët e Aletico Mineiro, 37-vjeçari qëndroi vetëm 6 muaj në elitën e futbollit brazilian për t’u transferuar më pas tek argjentinasit e Velez Sarsfield, aty ku do të mbyllë dhe karrierën e tij.
Discussion about this post