Ditën e sotme do të rikthehen Europa League me 18 ndeshje dhe Conference League me 16 ndeshje për fazën e grupeve.
Teksa pritet të ketë sfida shumë interesante, vëmendjen e të gjithë shqiptarëve do të jetë te ato sfida ku luajnë legjionarët.
Skuadra ky luajnë dy ish-yjet e Tiranës Ernest Muçi dhe Jurgen Çelhaka do të përballet në orën 18:45 me Leicesterin, në një takim që pritet të jetë goxha i vështirë.
Lyoni i Xherdan Shaqirit do të zbresë në po të njëjtën orë në ndeshjen kundër Brondby, ndeshje ku duket se ekipi i lojtarit shqiptar është më i favorizuar.
Në 18:45 do të ndeshet edhe Napoli i Amir Rrahmanit me ekipin e Spartak Moscow. Italianët pritet të marrin një fitore të sigurt bazuar edhe në ecurinë e tyre në Seria A.
Real Sociedadi i Keidi Bares do të përballet sot me francezët e Monacos, ndërsa pritet që shqiptari të jetë pjesë e formacionit startues.
Myrto Uzuni pritet të jetë titullar i padiskutuar në sfidën e Ferencvarosit me Betis që do të startojë në orën 21:00 të mbrëmjes. Shqiptari është lojtari kryesor i hungarezëve, ndaj edhe në këtë sfidë vendi i tij është mëse i sigurt.
Lazio vjen nga një eksperiencë jo e bukur nga ndeshja e fundit në Europa League, e cila u humb për shkak të një gafe të portierit kuqezi Thomas Strakosha. Megjithatë sonte ata do të ketë përballë ekipin Lokomotiv Moscow, ndërsa ende nuk dihet nëse do të luajnë Elseid Hysaj dhe Strakosha në këtë përballje.
Shqiptarët që luajnë në Conference League:
Po ashtu edhe Conference League rezervon 32 ndeshje interesante mbrëmjen e sotme, me qëllimin e vetëm finalen e madhe që do të luhet në ‘Air Albania’. Ashtu si në Europa League edhe në këtë kampionat do mund të shohim disa nga emrat kryesorë kuqezi që të zbresin në fushën e blertë.
Roma e Marash Kumbullës do të ketë përballë në orën 18:45 ukrainasit e FC Zorya Luhansk. Kjo sfidë duket e thjeshtë për verdhekuqtë e Italisë, megjithatë përqendrimi duhet të jetë maksimal, ndërsa ende nuk dihet nëse mbrojtësi i Kombëtares kuqezi do të jetë pjesë e formacionit.
Ndërsa në orën 21:00 Baseli i Taulant Xhakës do të përballet me skuadrën e Kazakhistanit K. Almaty. Bazuar në ndeshjet e fundit Xhaka pritet të jetë titullar, ndërsa të avantazhuar të këtij çifti padyshim që janë zvicerianët.
Skuadra greke ku luan Enea Mihaj, PAOK-u do të përballet me Slovan Bratislavan. Ky takim do të jetë goxha sfidues për grekët, ndërsa do Mihaj mund të zbresë në fushë që nga minuat e parë./K.T/Gijotina.com
