Drejtoria e Përgjithshme e Burgjeve i ka propozuar Ministrit të Drejtësisë, Ulsi Manja lehtësimin e kufizimeve për parandalimin e përhapjes së pandemisë. Sipas kësaj kërkesë, tashmë duhet të krijohen lehtësime sa i përket takimeve me familjarët e tyre brenda institucioneve të vuajtjes së dënimit.
Ndër të tjera, në njoftim thuhet se, të burgosurit meshkuj kanë të drejtën e vizitës 2 herë në muaj, duke garantuar higjienën e nevojshme, kontrollin shëndetësor gjatë hyrje daljeve, disponimin nga familjarët të certifikatës së vaksinimit, ose të raportit mjekësor që vërteton shërimin e tij.
Ndërsa, për të burgosurit që janë prindër dhe kanë fëmije të mitur të aplikohet program i prindërimit. Për të burgosurit gra dhe të mitur të lejohen 4 takime në muaj. Për të dënuarit e martuar apo që bashkëjetojnë sipas Kodit të familjes, të lejohen një takim i zgjatur në muaj.
“Lehtësohen masat kufizuese lidhur me pandeminë e COVID, për takimet me familjarët në Institucionet e Ekzekutimit të Vendimeve Penale. Nisur nga ulja e riskut të infektimeve, nivelit të lartë të vaksinimit, përvojës së fituar, situatës aktuale ku në asnjë IEVP nuk ka të prekur, Drejtoria e Përgjithshme e Burgjeve i ka propozuar Ministrit të Drejtësisë, z.Ulsi Manja lehtësimin e kufizimeve për parandalimin e përhapjes së pandemisë. Mes propozimeve të miratuara nga Ministri i Drejtësisë janë edhe: Për të burgosurit gra dhe të mitur lejohen katër takime në muaj. Për të burgosurit e martuar, apo që bashkëjetojnë sipas Kodit të Familjes lejohet një takim i zgjatur në muaj”, thuhet në njoftim. Gjithsesi, pritet vendimi i Ministrisë së Drejtësisë për të parë nëse tani e tutje të burgosurit do të kenë më shumë mundësi që të takojnë familjarët e tyre.
Discussion about this post