Transportonte lëndë djegëse kontrabandë, policia ndaloi fugonin në veri të Kosovës.
Policia Kufitare ka ndaluar një furgon i cili dyshohet se transportonte lëndë djegëse kontrabandë. Ai u ndalua në zonën e Leposaviç, në veri të Kosovës. Bëhet me dije se është ndaluar një mjet tip “Renault Master” ngjyrë blu me targa serbe.
Gjithashtu është bërë dhe ndalimi i shoferit të mjetit, i cili akuzohet sa ka kryet veprime të kundërligjshme, kalim të paautorizuar të kufirit dhe dyshohet për kontrabandë.
Në kontrollet e bëra në pjesën e brendshme të mjetit u zbulua 1300 litër lëndë e djegshme, ndërsa në targa nuk ishin vendosur letrat ngjitëse sipas marrëveshjes mes dy vendeve.
Policia e Kosovës njofton se do të vijojë të gjithë kontrollet për parandalimin e veprave penale dhe të realizojë me profesionalizëm detyrat.
Kujtojmë që veriu i Kosovës ka qenë në një situatë aspak normale për shkak të përplasjeve me policinë. Duket se edhe pas ngjarjeve të regjistruara ditë më parë, policia nuk ka në plan t’i ndalë kontrollet ndaj serbëve.
