Neymar ka pësuar një lëndim ‘horrorr’ të kyçit në këmbën e tij, në përballjen e kësaj fundjave të PSG kundër Saint Etiene që përfundoi me rezultatin 3-1 për parisienët.
Në minutat fundit të ndeshjes, Neymar humbet kontrollin si pasojë e një hapi të gabuar, duke e hedhur të gjithë peshën e trupit në kyçin e tij, që u përthye në një kënd vërtet të frikshëm.
Menjëherë është kërkuar ndihma e stafit mjekësor që e nxorrën Neymarin jashtë fushës me ndihmën e barelës, pasi ylli parisien ishte në pamundësi për të lëvizur.
Ende është e paqartë shkalla e dëmtimit tij, por për herë të parë që nga ky moment i vëshirë braziliani ka shkruar në profilin e tij në Instagram, duke u shprehur se do të kthehet më i mirë dhe më i fortë.
“Fatkeqësisht, këto ndodhi janë pjesë e jetës së një sportisti. Tani ty të duhet të ngresh kokën dhe të vazhdosh përpara. Unë do të kthehem më i mirë dhe më i fortë.”
Trajneri i PSG është pyetur gjithashtu rreth shkallës së lendimit të lojtarit tij, ku Pochettino u shpreh:
“Për momentin nuk mund të them asgjë. Ai po ndjen shumë dhimbje nga kyçi i tij. Nesër do ti nënshtrohet të gjitha testeve mjekësore për të kuptuar më mirë se për çfarë dëmtimi kemi të bëjmë.”
Sa mund të qëndrojë jashtë fushës Neymar?
Sipas dinamikës së dëmtimit, mund të quhet e konfirmuar se Neymar nuk do të jetë pjesë e formacionit kundër Nantes këtë të mërkurë, por nëse 29 vjeçari do ti nënshtrohet një ndërhyrje kirurgjikale, atëherë ky veprim mund ta mbajë atë jashtë fushave deri në fillimin e vitit të ardhshëm.
Humbja e Neymar është një goditje shumë e rëndë për Pochettinon, i cili e ka patur një lojtar kyç në skemat e tij që nga fillimi i këtij sezoni.
Discussion about this post