Skuadra e Romës ka arritur një fitore shumë të rëndësishme në duelin ndaj Torinos, sfidë e cila u zhvillua në “Olimpiko”. Verdhekuqtë fituan falë golit të Abraham në minutën e 32 të takimit i cili rezultoi vendimtar në këtë sfidë. Roma administroi avantazhin deri në fundin e takimit. Në këtë sfidë për Torinon nuk u aktivizua sërish portieri i ekipit kombëtar, Berisha teksa në radhët e Romës, Kumbulla u inkuadrua në minutat e fundit të takimit për të mbrojtur avantazhin.
Trajneri Murinjo tregoi sërish se e admiron futbollistin shqiptar edhe pse nuk e ka fituar vendin e titullar por aktivizimi është progresiv. Me këtë sukses skuadra e Romës ngjitet në vendin e pestë në kampionat, tre pikë më pak se Atalanta që mban vendin e katër. Objektivi final për verdhekuqtë është pjesëmarrja në Ligën e Kampionëve për sezonin e ardhshëm.
Discussion about this post